Azərbaycan Türkiyədə keçirilən aqrar sərgilərdə iştirak edir

Azərbaycan Türkiyənin Bursa şəhərində keçirilən, oktyabrın 9-da başa çatacaq 18-ci Beynəlxalq Kənd Təsərrüfatı, Toxumçılıq, Tingçilik və Süd Sənayesi Sərgisində və 13-cü Beynəlxalq Heyvandarlıq Avadanlıqları Sərgisində iştirak edir.

“Report” bu barədə Türkiyə mətbuatına istinadən xəbər verir.

Məlumata görə, sərgiyə Azərbaycandan başqa, Balkan yarımadası ölkələri, Rusiya, Ukrayna, Gürcüstan, Mərakeş, Tunis, Əlcəzair, Keniya, Uqanda, Seneqal, Efiopiya və İrandan 1 000-dən çox nümayəndə qatılıb.