İmişli və Cəlilabadda yerləşən torpaq sahələri üçün hərrac keçiriləcək 

İmişli və Cəlilabad rayonlarında yerləşən torpaq sahələri üçün hərrac keçiriləcək.

"Report"un Muğan bürosunun məlumatına görə, İmişli rayonu Bəhrəmtəpə bələdiyyəsi tərəfindən 1200 kvadratmetr torpaq sahəsi fərdi yaşayış evi üçün hərraca çıxarılacaq.

Həmçinin Cəlilabad bələdiyyəsi tərəfindən 3100 kvadratmetr torpaq sahəsi sahibkarlıq fəaliyyəti üçün müsabiqəyə çıxarılacaq.

Qeyd edək ki, sözügedən hərrac Əmlak Məsələləri Dövlət Xidmətinin Beyləqan ərazi şöbəsində, müsabiqə isə Cəlilabad şöbəsində dekabrın 5-də baş tutacaq.