Avrozonada işgüzar fəallıq indeksi düşə bilər

İlkin qiymətləndirməyə görə, Avrozonanın 19 ölkəsinin sənaye və xidmətlər üzrə işgüzar fəallıq indeksi (PMI) bu ilin may ayında aprelə nisbətən 55,8 bənddən 55,3 bəndə enib.

“Report” xəbər verir ki, “S&P Global” şirkəti müvafiq məlumatları bu gün dərc edəcək.

Bundan başqa, aprel ayında ABŞ-da yeni evlərin satışı haqqında məlumatlar da dərc olunacaq.

Ekspertlər güman edirlər ki, bu göstərici mart ayına nisbətən 1,7% azalaraq 750 min təşkil edib.