Azərbaycan və Macarıstan iqtisadi tərəfdaşlığı gücləndirir

Azərbaycanın iqtisadiyyat naziri Mikayıl Cabbarov Macarıstanın iqtisadi inkişaf naziri Marton Nad ilə iki ölkənin iqtisadi tərəfdaşlığının gücləndirilməsi istiqamətində müzakirələr aparıb.

“Report” xəbər verir ki, bunu azərbaycanlı nazir Tviter hesabında bildirib.

O qeyd edib ki, müzakirələr Azərbaycanla Macarıstanın nümayəndə heyətləri arasında bu gün keçirilən görüşdə aparılıb: "Görüşdə Azərbaycanda xarici şirkətlərin fəaliyyəti üçün yaradılmış biznes mühiti ilə bağlı, sənaye energetika, əczaçılıq, nəqliyyat, bank və digər sahələrdə əməkdaşlıq imkanları, ticarət əlaqələrinin təşviqi müzakirə edilib".