Azərbaycanda vençur maliyyələşdirilməsi ilə bağlı qanun layihəsi hazırlanır

Prezident yanında Vətəndaşlara Xidmət və Sosial İnnovasiyalar üzrə Dövlət Agentliyi (“ASAN Xidmət”) Azərbaycanda vençur maliyyələşdirilməsi ilə bağlı qanun layihəsi hazırlayır.

“Report” xəbər verir ki, bunu İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov bildirib.

“Sənədin hazırlanması prosesində biz, eləcə də İqtisadiyyat Nazirliyi, Rəqəmsal İnkişaf və Nəqliyyat Nazirliyi də iştirak edir. Qanun layihəsinin bu il qəbul edilməsi gözlənilir. Yeni qanun həm startap, həm vençur fondlarının yaradılması üçün mühüm əhəmiyyət kəsb edəcək”, - deyə o qeyd edib.