Azərbaycanın investisiya imkanları Davosdakı İqtisadi Forumda təqdim edilib

Azərbaycanın investisiya imkanları Davos İqtisadi Forumu çərçivəsində baş tutan "Ticarət və investisiya liderliyi naharı" sessiyasında təqdim edilib.

“Report” xəbər verir ki, bunu iqtisadiyyat naziri Mikayıl Cabbarov “X” sosial şəbəkəsindəki hesabında bildirib.

Nazir qeyd edib ki, sessiyada işğaldan azad edilmiş ərazilərdə sənaye zonalarının yüksək iqtisadi potensialı və zəngin resursların dayanıqlı inkişaf üçün perspektivləri barədə məlumat verilib: “Rəqəmsal həllər əsasında iqtisadi inkişafın, dövlət-özəl tərəfdaşlığını təmin edən layihələrin artırılmasının və investisiyaların diversifikasiyasının əhəmiyyətini vurğuladıq”.

Davos İqtisadi Forumu (@wef) çərçivəsində baş tutan "Ticarət və investisiya liderliyi naharı" sessiyasında #Azərbaycan-ın #investisiya imkanları, işğaldan azad edilmiş ərazilərimizin, #sənayezonaları-mızın yüksək iqtisadi potensialı və zəngin resurslarımızın dayanıqlı inkişaf… pic.twitter.com/4dgRHarKbJ

— Mikayil Jabbarov (@MikayilJabbarov) January 19, 2024