Gürcüstan Azərbaycandan çay idxalını 3 dəfə artırıb

Bu ilin yanvar ayında Gürcüstan Azərbaycandan ümumi dəyəri 459,07 min ABŞ dolları olan 74,42 ton çay idxal edib.

“Report”un yerli bürosu xəbər verir ki, bu barədə Gürcüstanın Milli Statistika İdarəsindən bildirilib.

Məlumata əsasən, məhsulun həcmi 50,53 ton və yaxud 3,1 dəfə artıb.

Ötən ay Gürcüstan Azərbaycana 259,76 min ABŞ dolları dəyərində 37,54 ton çay ixrac edib. 2020-ci ilin yanvarında Azərbaycan qonşu ölkədən çay tədarük etməyib.