COP29 komandasının nümayəndəsi Elməddin Mehdiyev İstanbul İnkişaf Dialoqunda iştirak edib.
“Report” xəbər verir ki, bu barədə COP29-un “X” sosial şəbəkəsindəki rəsmi hesabında məlumat verilib.
“COP29 komandasının üzvü Elməddin Mehdiyev Birləşmiş Millətlər Təşkilatının İnkişaf Proqramı (UNDP) və İqtisadi Əməkdaşlıq və İnkişaf Təşkilatının (OECD) İstanbul İnkişaf Dialoqu-2024-də iştirak edib. Burada COP29-un sədrliyi üçün baxışı açıqlayıb və iddialı iqlim fəaliyyətinin inkişafı üçün imkanları qeyd edib. IDD2024 kimi görüşlər hər bir regiona öz ambisiyalarını reallaşdırmağa kömək etmək üçün çox vacibdir”, - məlumatda qeyd olunub.
Xatırladaq ki, noyabr ayında Azərbaycanda BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) keçiriləcək.
![](https://static.report.az/photo/7c2139d3-cab8-387d-af1b-3e0693def9ed_300.jpeg)