ITF-in baş katibi: Dünya ölkələri “yaşıl ictimai nəqliyyat”dan istifadəni genişləndirməlidir

Dekarbonizasiya məqsədlərinə çatmaq üçün dünya ölkələrinin hökumətləri "yaşıl (elektrik) ictimai nəqliyyat”ın istifadəsinin genişləndirilməsi üzərində işləməlidir.

“Report” xəbər verir ki, bunu Beynəlxalq Nəqliyyat Forumunun (ITF) baş katibi Yanq Tae Kim COP29 çərçivəsində keçirilən "Yaşıl şəhər nəqliyyatı" mövzusunda yüksək səviyyəli Dəyirmi masada bildirib.

"Şəhərlər istixana qazları ilə bağlı problemdə əsas rol oynayır. Proqnozlara görə, 2050-ci ilə qədər dünya əhalisinin 68 %-i şəhərlərdə yaşayacaq. Nəqliyyatın dekarbonizasiyası siyasəti daha geniş məqsədlərlə birgə həyata keçirilməlidir. Aşağı karbonlu nəqliyyat növlərinə keçid havanı təmizləyəcək, qalıq yanacaqdan bərpa olunan enerji mənbələrinə keçid isə enerji təhlükəsizliyini dəstəkləyəcək", - o qeyd edib.