“Solutions for Our Climate”: Almaniya metan emissiyasının azaldılmasında lider olmalıdır

Almaniya kimi ölkələr metan emissiyasının azaldılması sahəsində liderliyi öz üzərlərinə götürməli və beynəlxalq miqyasda nümunə olmalıdırlar.

"Report" xəbər verir ki, bunu “Solutions for Our Climate” təşkilatının rəhbəri Jinsun Roh COP29 çərçivəsində təşkil olunan “Metan əhəmiyyətlidir: İqlim təsirini azaltma əyləcini necə tətbiq edilməli” adlı tədbirdə bildirib.

Onun sözlərinə görə, metan emissiyalarının azaldılması iqlim, çirklənmə və sağlamlığa əhəmiyyətli müsbət təsir göstərir. O qeyd edib ki, sektorlar üçün spesifik tədbirlər görülməli və metanın azaldılması üçün konkret hədəflər müəyyən edilməlidir.

J. Roh əlavə edib ki, yalnız Avropa İttifaqının Metan Tənzimləməsi kifayət etmir, kənd təsərrüfatı və tullantıların idarə olunması kimi sahələr də bu istiqamətdə ciddi töhfə verməlidir.