Birinci mərhələdə Cəbrayıl rayonunun Böyük Mərcanlı, Karxulu, Sarıcallı və Maşanlı kəndlərinə ümumilikdə 3193 sakin köçürüləcək.
“Report”un Cəbrayıl rayonuna ezam olunmuş əməkdaşının verdiyi məlumata görə, bunu Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidmətinin İctimaiyyətlə əlaqələr şöbəsinin müdiri İlhamiyyə Rzayeva bildirib.
Onun sözlərinə görə, birinci mərhələdə Böyük Mərcanlıya 542 nəfərin köçürülməsi üçün 149 fərdi ev tikiləcək: “İnşa ediləcək evlər iki, üç, dörd və beş otaqlı olacaq. Baş plana əsasən, kəndin ümumi sahəsi 362 hektar təşkil edir. 2040-cı ilədək 6230 nəfər əhali üçün 1074 fərdi ev və bir neçə mərtəbəli yaşayış binaları layihələndirilib. Burada inzibati bina, klub-icma mərkəzi, çoxfunksiyalı bina, idman və ailə-sağlamlıq mərkəzləri, mərasim evi, bazar kompleksi və digər qeyri-yaşayış obyektlərinin tikintisi nəzərdə tutulur. Həmçinin Böyük Mərcanlı kəndində əhalinin tələbatına uyğun olaraq iki məktəb və beş uşaq bağçası inşa olunacaq”.
![](https://static.report.az/photo/7899e8d3-8a10-3c86-b242-769a61e1ca07.jpg)
O bildirib ki, 2026-cı ilədək dövrü əhatə edən "Böyük Qayıdışa dair I Dövlət Proqramı”na müvafiq olaraq, birinci mərhələdə layihələndirilən ərazinin sahəsi 41 hektardır.
İ.Rzayeva daha sonra Prezident İlham Əliyev mayın 18-də təməlini qoyduğu Karxulu kəndi haqqında məlumat verib. O qeyd edib ki, 2040-cı ilədək kəndin layihələndirilən ərazisi 313 hektar təşkil edir və bu müddət ərzində kənddə 4428 sakin üçün 940 fərdi ev və bir neçə mərtəbəli bloklu evlərin layihələndirilməsi, eləcə də tikintisi nəzərdə tutulur:
“Kənddə inzibati bina, klub-icma, ailə və idman sağlamlıq mərkəzləri, ticarət və məişət xidməti binası, kiçik sahibkarlıq obyektləri inşa olunacaq. Bundan başqa, Baş plana müvafiq olaraq, kənddə əhalinin tələbatına uyğun iki tam orta məktəb və dörd uşaq bağçası tikiləcək. 2026-cı ilədək dövrü əhatə edən “Böyük Qayıdışa dair I Dövlət Proqramı”na müvafiq olaraq, birinci mərhələdə layihələndirilən ərazinin sahəsi isə 125 hektardır. Bu mərhələdə 691 sakin üçün 145 fərdi evin layihələndirilməsi və tikintisi nəzərdə tutulub”.
Şöbə müdiri Baş planda Sarıcallı kəndinin ümumi sahəsinin 330 hektar təşkil etdiyini də vurğulayıb: “Burada inzibati bina, klub-icma, ailə və idman sağlamlıq mərkəzləri, ticarət və məişət xidməti binası, yanğınsöndürmə deposu, aqrotexniki park, mərasim evi, kənd bazarı, kiçik sahibkarlıq obyektləri tikiləcək. Bundan başqa, əhalinin tələbatına uyğun iki tam orta məktəb və 4 uşaq bağçasının layihələndirilməsi də nəzərdə tutulur. Ümumiyyətlə, bu yaşayış məntəqəsində əhalinin məşğulluğunun təmin edilməsi də diqqət mərkəzində olacaq”.
“2026-cı ilədək dövrü əhatə edən “Böyük Qayıdışa dair I Dövlət Proqramı”na müvafiq olaraq, birinci mərhələdə layihələndirilən ərazinin sahəsi isə 104 hektardır. Bu mərhələdə kəndə 1016 sakinin köçürülməsi üçün 242 fərdi ev inşa olunacaq”, - İ.Rzayeva söyləyib.
![](https://static.report.az/photo/ddd385b6-51cb-34ce-8f25-e6d5adf9362c.jpg)
Qurum rəsmisi onu da deyib ki, 2040-cı ilədək Maşanlı kəndinin layihələndirilən ərazisi 157,54 hektar olacaq.
“Həmin müddətdə kənddə 2360 sakin üçün 590 fərdi evin layihələndirilməsi, eləcə də tikintisi nəzərdə tutulub. Kənddə əhalinin məşğulluğunun təmin edilməsi üçün də hər cür şərait yaradılacaq. Bu kənddə də inzibati bina, klub-icma, idman sağlamlıq mərkəzləri, həkim məntəqəsi, mərasim evi, bazar kompleksi, ticarət, ictimai-iaşə, kiçik sahibkarlıq obyektlərinin layihələndirilməsi planlaşdırılır”, - o bildirib.
Şöbə müdiri söyləyib ki, Baş plana əsasən, kənddə tam orta məktəb üçün bina və iki uşaq bağçasının tikintisi nəzərdə tutulub: “Böyük Qayıdışa dair I Dövlət Proqramı”na əsasən burada məskunlaşacaq əhalinin yaşayış yükü nəzərə alınaraq kəndin salınmasının birinci mərhələsi üçün 50 hektar yer ayrılıb. Bu mərhələdə 944 sakin üçün 236 fərdi ev tikiləcək”.
Qeyd edək ki, Prezident İlham Əliyev mayın 18-də Cəbrayıl rayonunun Böyük Mərcanlı, Karxulu, Sarıcallı və Maşanlı kəndlərinin təməlini qoyub.
![](https://static.report.az/photo/ddd385b6-51cb-34ce-8f25-e6d5adf9362c_300.jpg)
![](https://static.report.az/photo/8f088138-104d-3a7a-950f-5585d9ec9299_300.jpg)
![](https://static.report.az/photo/e446cf36-a013-32fc-b67a-d323fb8c8182_300.jpg)
![](https://static.report.az/photo/462bc171-31fa-377f-b3d9-1da106159edf_300.jpg)
![](https://static.report.az/photo/5f8ce36b-4a78-3193-aa35-c807e8bf6481_300.jpg)
![](https://static.report.az/photo/74ca59ca-cb32-3bc2-89db-5453047e2fec_300.jpg)
![](https://static.report.az/photo/93afd488-97b6-3a49-a265-b1d5533e5250_300.jpg)
![](https://static.report.az/photo/4aec63e0-5075-3e7a-a914-c14e131b0ea7_300.jpg)
![](https://static.report.az/photo/7899e8d3-8a10-3c86-b242-769a61e1ca07_300.jpg)
![](https://static.report.az/photo/443d39a2-53ec-3c5f-9769-02ff13d52350_300.jpg)
![](https://static.report.az/photo/13474aa4-5841-3328-81d0-1cf80af3d86c_300.jpg)
![](https://static.report.az/photo/55accf93-73b1-39b7-8a8a-e5c609bdcba9_300.jpg)
![](https://static.report.az/photo/c0480e47-8ba7-387f-afbe-8cb5887f1878_300.jpg)
![](https://static.report.az/photo/90fd0c1c-5614-3f1b-94cd-eb0a05279e15_300.jpg)
![](https://static.report.az/photo/76b517e2-8906-3e7c-9a3c-9f17f6c24098_300.jpg)
![](https://static.report.az/photo/8f40e550-c152-3633-b217-0bf455707d55_300.jpg)
![](https://static.report.az/photo/485fde23-e038-30ee-8380-ad5e1a0d80c5_300.jpg)
![](https://static.report.az/photo/40a3a337-4dbb-39b2-8466-75fb3fb0d6e7_300.jpg)
![](https://static.report.az/photo/dc262bfb-10a6-35bf-a04c-da90892ab05a_300.jpg)
![](https://static.report.az/photo/15bbf99f-ff8b-34d4-8260-b12d44c99813_300.jpg)
![](https://static.report.az/photo/448a5dd0-8959-30f9-9923-061c60b8f18f_300.jpeg)
![](https://static.report.az/photo/493268c0-fdc3-3d81-9635-7a60ec48b627_300.jpeg)
![](https://static.report.az/photo/dbb70392-e99d-3bb9-95c3-73e364de2618_300.jpeg)
![](https://static.report.az/photo/6982914f-ea0d-384b-b22a-8e58d998d6a0_300.jpeg)
![](https://static.report.az/photo/55609b82-d8c2-3cab-8337-7d4a49c5567d_300.jpeg)
![](https://static.report.az/photo/0f98c6e5-364e-349e-bd3b-ca636852f9b3_300.jpeg)
![](https://static.report.az/photo/59f8b2a1-3e4f-368f-82d0-c9cac94e442e_300.jpeg)