Maliyyə xarakterli məlumatları təqdim edən vəzifəli şəxslərin siyahısı yenidən işlənilib

“Açıq hökumətin təşviqinə dair 2020-2022-ci illər üçün Milli Fəaliyyət Planı”nın müvafiq bəndinin icrası çərçivəsində vəzifəli şəxslər tərəfindən müvafiq bəyannamələrin təqdim edilməsi barədə normativ hüquqi akt layihələri hazırlanaraq aidiyyəti qurumlarla razılaşdırılma mərhələsindədir.

“Report” xəbər verir ki, bu barədə Nazirlər Kabinetinin 2020-ci ilə dair hesabatında bildirilib.

Sənəddə qeyd olunub ki, ötən müddətdə baş verən dəyişikliklər nəzərə alınmaqla qeyd olunan layihələrdə Korrupsiyaya qarşı mübarizə üzrə Komissiyaya maliyyə xarakterli məlumatları təqdim edən vəzifəli şəxslərin siyahısı yenidən işlənilib, maliyyə bəyannaməsinin məzmununa daxil edilən məlumatların dairəsi dəqiqləşdirilib, həmçinin maliyyə xarakterli məlumatların təqdim edilməsi müddətləri və bu məlumatların təqdim edilməsinə nəzarətlə bağlı yeni tənzimləmələr və s. nəzərdə tutulub. Layihələrdə, eyni zamanda vəzifəli şəxslərin maliyyə xarakterli məlumatlar haqqında bəyannaməsinin təqdim edilməsi qaydaları və forması da müəyyən edilib.

Qeyd edək ki, hesabat yaxın günlərdə Milli Məclisdə müzakirəyə çıxarılacaq.