Prezident İlham Əliyev: "Ulu Öndərin ordu quruculuğu sahəsində çox böyük xidmətləri olub"

"Heydər Əliyevin ordu quruculuğu sahəsində çox böyük xidmətləri olmuşdur. Məhz onun fəaliyyəti nəticəsində nizami ordu yaradılmışdır".

"Report" xəbər verir ki, bunu Prezident İlham Əliyev Ümummilli Lider Heydər Əliyevin 100 illik yubileyi münasibətilə Şuşadan Azərbaycan xalqına müraciətində deyib.

O vaxt maliyyə imkanlarımızın məhdud olduğunu, orduya lazımi qədər vəsaitin ayrılması mümkün olmadığını deyən dövlətimizin başçısı qeyd edib ki, vəsaitin qıtlığına baxmayaraq, ordu quruculuğu üçün çox ciddi addımlar atılmışdır.