Vitse-spiker: "Gənclər Azərbaycana qarşı qarayaxma kampaniyası ilə mübarizədə mühüm rol oynamalıdırlar"

"Gənclər Azərbaycana qarşı qarayaxma kampaniyası ilə mübarizədə mühüm rol oynamalıdırlar".

"Report" xəbər verir ki, bunu Milli Məclisinin sədr müavini Adil Əliyev Bakıda “Türk Dövlətlərinin Diaspor Gənclərinin I Forumu: Heydər Əliyev və Türk Dünyası” adlı tədbirdə deyib.

Onun sözlərinə görə, Azərbaycanın qazandığı zəfərin əsas hərəkətverici qüvvəsi məhz gənclərdir: "Prezident İlham Əliyevin Ali Baş Komandanı olduğu Azərbaycan Ordusunun apardığı lokal antiterror tədbirləri zamanı əsasını Ümummili Lider Heydər Əliyevin qoyduğu gənclər siyasətinin bir daha şahidi olduq. Ölkəmiz haqqında reallıqların dünya ictimaiyyətinə çatdırılmasında, Azərbaycana qarşı qarayaxma kampaniyası ilə mübarizədə gənclər mühüm rol oynamalıdırlar".

Vitse-spiker həmçinin Gənclər Gününün MDB məkanı və Şərqi Avropa ölkələri arasında ilk dəfə Azərbaycanda qeyd olunduğunu xatırladıb: "Eyni zamanda 2015-ci ildən etibarən Milli Məclisdə Gənclər və idman komitəsi təsis edilib və onun ilk sədri də Fuad Muradov olub".