"Qara Yanvar" qurbanları Moskva şəhərində yad edilib

Azərbaycanın Rusiyadakı səfirliyində 1990-cı ilin 20 yanvar günü həlak olanların xatirəsi yad edilib.

“Report”un Rusiya bürosu xəbər verir ki, səfirliyin qarşısında qurulan xatirə lövhəsinə gül dəstələri qoyulub.

Mərasimdə Rusiya Azərbaycanlı Gənclər Birliyinin (RAGB) fəalları, Rusiyadakı diasporun tanınmış nümayəndələri iştirak ediblər.