ABŞ-da atışma olub, ölən və xəsarət alanlar var

ABŞ-ın El-Paso şəhərində (Texas ştatı) baş verən atışmada 1 nəfər ölüb, daha bir neçə nəfər yaralanıb.

"Report" xəbər verir ki, bu barədə El Paso Times polisə istinadən məlumat yayıb.

Məlumata görə, polis əməkdaşları atışma haqqında xəbər alıblar. Onlar əraziyə gələrkən hadisə zamanı həlak olmuş 21 yaşlı gəncin meyitini və ağır yaralanmış 5 nəfəri aşkarlayıblar. Zərərçəkənlər xəstəxanaya çatdırılıb.

Hadisənin başvermə səbəbləri müəyyənləşdirilir.