ABŞ dövlət katibi: "Regionda münaqişə genişlənməməlidir"

Regionda münaqişə daha da genişlənməməlidir.

"Report" xəbər verir ki, bunu ABŞ dövlət katibi Antoni Blinken İordaniya Kralı II Abdullah ilə danışıqlarının yekunlarına dair "X"də yazıb.

“Bu gün Əmmanda Əlahəzrət Kral II Abdullah ilə Qəzzada və İordan çayının qərb sahilində mülki əhalinin müdafiəsi səylərini müzakirə etmək üçün görüşdüm. Qəzzada fələstinlilərə humanitar yardım göstərdiyinə görə ona təşəkkür etdim”,- A.Blinken bildirib.

Qeyd edək ki, dövlət katibi və onu müşayiət edən heyət Qəzzadakı vəziyyəti müzakirə etmək üçün Yaxın Şərq ölkələrinə səfərə çıxıb.

O, turne çərçivəsində bundan əvvəl Türkiyə və Yunanıstana səfər edib. A.Blinken İordaniyadan sonra isə Qətər, Birləşmiş Ərəb Əmirlikləri, Səudiyyə Ərəbistanı, İsrail, Fələstin və Misirə səfər edərək danışıqlar aparacaq.

Today in Amman, I met with His Majesty King Abdullah II to discuss efforts to protect civilians in Gaza and the West Bank. I thanked him for his leadership in providing humanitarian aid to Palestinians in Gaza. The conflict must not spread further in the region. pic.twitter.com/ya5FvABxjJ

— Secretary Antony Blinken (@SecBlinken) January 7, 2024