ABŞ dövlət katibi Yaponiya və Cənubi Koreyanın XİN başçıları ilə görüşə bilər

ABŞ, Yaponiya və Cənubi Koreyanın xarici siyasət qurumlarının rəhbərləri hazırda gələn ay üçtərəfli görüşün keçirilməsi imkanlarını nəzərdən keçirir.

“Report” TASS-a istinadən xəbər verir ki, bu barədə “Kyodo” agentliyi məlumat yayıb.

Agentliyin diplomatik mənbələrinin məlumatına görə, bu danışıqların əsas mövzuları Çin və Şimali Koreya olmalıdır. Danışıqların ABŞ-da baş tutacağı və yeni ABŞ prezidenti Cozef Baydenin vəzifəsinin icrasına başlamasından bu yana ABŞ, Yaponiya və Cənubi Koreyanın xarici siyasət qurumlarının rəhbərləri arasındakı ilk üçtərəfli görüş olacağı qeyd edilir.