ABŞ İrana qarşı sanksiyaları ləğv etməyəcək

Birləşmiş Ştatlar İranı nüvə proqramı ilə bağlı Birgə Hərtərəfli Fəaliyyət Planına (JCPOA) qaytarmaq üçün tətbiq etdiyi sanksiyaları ləğv etməyəcək.

“Report”un məlumatına görə, bunu Amerika prezidenti Co Bayden “CBS” televiziyasına verdiyi müsahibəsində deyib.

Dövlət başçısından rəsmi Tehranı JCPOA müzakirələrinə qaytarmaq üçün ilk addımı atıb İran əleyhinə sanksiyaları ləğv edib-etməyəcəyi soruşulub.

Bayden suala cavabında “Xeyr” deyib.