ABŞ Senatı 2024-cü il üçün müdafiə xərcləri haqqında qanun layihəsini qəbul edib

ABŞ Senatı 2024-cü maliyyə ilində Ukraynaya hərbi yardım da daxil olmaqla 880 milyard dollardan çox müdafiə xərclərinə dair qanun layihəsini təsdiqləyib.

“Report” xəbər verir ki, iclas C-SPAN telekanalı tərəfindən yayımlanıb.

Konqresin yuxarı palatasının 86 üzvü qanun layihəsinin lehinə, 11-i əleyhinə səs verib.

İyulun 14-də ABŞ Konqresinin Nümayəndələr Palatası sənədin Senat tərəfindən qəbul ediləndən fərqli olan və respublikaçılar tərəfindən hazırlanmış bəzi təşəbbüsləri özündə əks etdirən variantını təsdiqləyib. Bunlara dövlət tibbi sığortası hesabına hərbi xidmətdə olan qadınların, əgər özlərində bu prosedur qadağandırsa, digər ştatlarda abort etdirmələrinə qadağa daxildir.

Bundan əlavə, bunlar hərbi qulluqçuların cinsiyyətinin dəyişdirilməsi əməliyyatlarının maliyyələşdirilməsinə son qoymağa yönəlmiş tədbirlərdir.

Gözlənildiyi kimi, sənədin iki variantı arasında ziddiyyətlərin aradan qaldırılması ilə barışıq komissiyası məşğul olacaq. Sonra onu ABŞ Prezidenti, demokrat Cozef Bayden imzalamalı olacaq.