ABŞ “Vaqner”i transmilli cinayət təşkilatları siyahısına daxil edib

ABŞ Maliyyə Nazirliyi "Vaqner"i transmilli cinayət təşkilatı kimi təsnif edib.

"Report" xarici KİV-ə istinadən xəbər verir ki, təşkilatla əlaqəsi olan gəmiqayırma müəssisələri, fiziki və hüquqi şəxslər, o cümlədən təşkilatın rəhbəri Yevgeni Priqojinə qarşı sanksiya tətbiq olunub.

Priqojinin ABŞ-dakı bütün aktivləri dondurulacaq.

Maliyyə Nazirliyi "Vaqner"in təkcə Ukraynadakı müharibədə deyil, dünyanın digər ölkələrində də cinayətlərdə iştirak etdiyini vurğulayıb.