FTB və Daxili Təhlükəsizlik Departamenti oktyabrın 7-də mümkün zorakılıq halları barədə xəbərdarlıq edib

ABŞ Federal Təhqiqat Bürosu (FTB) və Daxili Təhlükəsizlik Departamenti oktyabrın 7-də - Fələstinin HƏMAS-ın İsrailin cənubuna hücumunun birinci ildönümündə ölkədə ekstremistlər tərəfindən mümkün zorakılıq halları barədə xəbərdarlıq edib.

"Report" xəbər verir ki, bu barədə CNN telekanalı yuxarıda qeyd olunan qurumların birgə bəyanatına istinadən məlumat yayıb.

“Federal Təhqiqat Bürosu və Daxili Təhlükəsizlik Departamenti 2023-cü il oktyabrın 7-də HƏMAS-ın İsrailə hücumunun birinci ildönümü və xarici terror təşkilatlarının Qərbdə zorakılıq aktları törətmək çağırışları ilə əlaqədar ABŞ-də müxtəlif subyektlər tərəfindən potensial tədidlərə diqqəti cəlb etmək üçün bu ictimai müraciəti yayımlayır”, - məlumatda qeyd olunub.