Aİ nümayəndəsi İran XİN başçısı ilə telefonla danışıb, İsveç vətəndaşının edamını pisləyib

Avropa İttifaqının xarici siyasət və təhlükəsizlik məsələləri üzrə ali nümayəndəsi Josep Borel İranın xarici işlər naziri Hüseyn Əmir Abdullahiyanla telefonla danışıb.

“Report” xəbər verir ki, bunu avropalı diplomat tviterdə yazıb.

O, telefon danışığı zamanı İran əsilli İsveç vətəndaşı Həbib Çaabın edamını qətiyyətlə pisləyib:

“Mən həmçinin alman vətəndaşı Cəmşid Şarməhdi edam etməməyi xahiş etdim”.

Tərəflər qarşılıqlı əməkdaşlığı da müzakirə edib: “İran bu əməkdaşlığı davam etdirməli, Rusiyanın Ukraynaya qarşı müharibəsini dəstəkləməyi dayandırmalıdır”.