Antoni Blinken ukraynalı həmkarı ilə Vaşinqtonun Kiyevə yardımını müzakirə edib

ABŞ-ın Dövlət katibi Antoni Blinken və Ukraynın xarici işlər naziri Andrey Sibiqa arasında telefon danışığı olub.

“Report” xəbər verir ki, bu barədə ABŞ Dövlət Departamentinin mətbuat xidmətinin rəhbəri Metyu Millerin yazılı bəyanatında deyilir.

Qeyd olunub ki, tərəflər Avropa İttifaqı liderləri ilə gözlənilən diplomatik tədbirləri və təmasları müzakirə ediblər.

Dövlət katibi ABŞ-ın Ukraynaya hərbi və iqtisadi yardım göstərməkdə və onun hərbi potensialını gücləndirməkdə davam etdiyini vurğulayıb.