Banqladeşdə polis nümayişçilərə atəş açıb

Banqladeş polisi dövlət vəzifələri üçün kvota sisteminə etiraz edən mitinq iştirakçılarına döyüş patronları ilə atəş açıb.

“Report” xəbər verir ki, bu barədə AFP agentliyi məlumat yayıb.

"Banqladeş polisi Dəkkədə nümayişçilərə atəş açıb", - agentliyin “X” sosial şəbəkəsində paylaşdığı məlumatda deyilir.

Qeyd olunur ki, insident nəticəsində bir nəfər yaralanıb.

Qeyd edək ki, polisin və xəstəxanaların məlumatlarına görə, etirazların davam etdiyi Banqladeşdə təkcə son bir həftə ərzində azı 115 nəfər ölüb.