Bayden Finlandiyanın NATO-ya üzv qəbul edilməsini alqışlayır

ABŞ Prezidenti Cozef Bayden Finlandiyanın NATO-ya üzv qəbul edilməsini alqışlayır və İsveçin ən qısa zamanda alyansa qoşulmasını səbirsizliklə gözləyir.

“Report” xəbər verir ki, bu barədə Ağ Evin bəyanatında deyilir.

“Bu gün Finlandiyanı 31-ci NATO müttəfiqi kimi salamlamaqdan qürur duyuram”, - o deyib.

ABŞ Prezidenti xatırladıb ki, Finlandiya və İsveç 2022-ci ilin mayında üzvlük üçün müraciət ediblər.

“Bir ildən az müddətdə Finlandiyanı NATO-ya üzv qəbul edirik, bu, müasir tarixdə ən sürətli ratifikasiya prosesidir”, - C.Bayden əlavə edib.