BMT-nin Qəzza zolağında ölən əməkdaşlarının sayı 57-yə çatıb

BMT-nin Qəzza zolağında ölən əməkdaşlarının sayı 57-yə çatıb.

“Report” xəbər verir ki, bunu qurumun Yaxın Şərqdəki Fələstin Qaçqınlarına Yardım üzrə Agentliyin baş komissarı Filipp Lazzarini bildirib.

Onun sözlərinə görə, atışma zamanı fələstinliləri HƏMAS-dan ayırmaq mümkün deyil, ona görə də bütün mülki əhalinin və xəstəxana binalarının mühafizəsini təmin etmək lazımdır.

Qeyd edək ki, bir müddət əvvəl onların sayının 38 olduğu bildirilmişdi.

Xatırladaq ki, oktyabrın 7-də HƏMAS-la İsrail arasında silahlı toqquşmalar başlayıb.