Borel: "Ukraynalılar bütün cəbhələrdə Avropa İttifaqından dəstək alacaqlar"

"Ukraynalılar bütün cəbhələrdə Avropa İttifaqından dəstək alacaqlar. Bu, Ukrayna müharibənin dağıntılarından çıxana qədər davam edəcək".

“Report” “RBC-Ukraina”ya istinadən xəbər verir ki, bu barədə Avropa İttifaqının xarici işlər və təhlükəsizlik siyasəti üzrə ali nümayəndəsi Cosef Borel bildirib.

"Aİ Ukrayna xalqına bütün cəbhələrdə: humanitar, iqtisadi, siyasi, diplomatik və hərbi dəstəkdə qətiyyətli qalacaq", - Borel qeyd edib.

O, 2023-cü ildə Aİ-nin Ukrayna Silahlı Qüvvələrinə misli görünməmiş hərbi dəstəyi və təlimi gücləndirəcəyinə, həmçinin 2023-cü il üçün Ukraynaya əlavə 18 milyard avro yardım ayıracağına diqqət çəkib.