Cənubi Afrikada 2 məktəb avtobusu qəzaya uğrayıb, 15 nəfər ölüb

Cənubi Afrikanın şimalında yük maşınının iki məktəb avtobusu ilə toqquşması nəticəsində məktəblilər daxil olmaqla, azı 15 nəfər ölüb.

"Report" xəbər verir ki, bu barədə Cənubi Afrikanın SABC radiostansiyası məlumat yayıb.

Daha əvvəl 10 nəfərin öldüyü barədə məlumat verilmişdi.

Bildirilib ki, qəza Sexuxune şəhəri yaxınlığındakı Limpopo əyalətində baş verib. Xəsarət alan məktəblilərin sayı və onların yaşı barədə məlumat verilməyib.