Çində sürüşmə olub, 10 nəfər ölüb

Çinin cənubunda yerləşən Quyçjou vilayətində baş vermiş sürüşmə nəticəsində 10 nəfər ölüb, 4 nəfər itkin düşüb.

“Report” TASS-a istinadən xəbər verir ki, hadisə tikinti işləri aparılan zaman baş verib.

Hadisə nəticəsində xəsarət alanlar xəstəxanalara yerləşdirilib.

Xilasetmə işlərinə mindən çox insan cəlb edilib.

Xilasedicilər və polislər itkin düşmüş şəxslərin axtarışlarını davam etdirir.