Filippinli boksçu Pakyao prezidentliyə namizəd olacaq

Filippinli boksçu və senator Emmanuel Dapidran Pakyao 2022-ci il seçkilərində prezidentliyə namizəd olacaq.

"Report xəbər verir ki, bu barədə "CNN Philippines" məlumat yayıb.

Onun namizədliyi Filippin Demokratik Xalq Hakimiyyəti Partiyasından irəli sürülüb. Bundan əvvəl partiya senator Kristofer Bonqu Qonun namizədliyini irəli sürsə də, o, bundan imtina edib.

Sentyabrın əvvəlində Fillipinin hazırkı prezidenti Rodriqo Duterte gələn il prezident seçkilərində namizəd olmayacağını, vitse-prezident vəzifəsinə iddialı olduğunu bildirmişdi.