İraq HHM qüvvələri partlayıcı maddə daşıyan iki PUA-nı vurub

İraqın Hava Hücumundan Müdafiə (HHM) qüvvələri Əyn-əl-Əsəd hərbi bazası yaxınlığında partlayıcı maddə daşıyan iki pilotsuz uçuş aparatını (PUA) vurub.

Bu hərbi bazadan ABŞ-ın başçılıq etdiyi beynəlxalq antiterror koalisiyasının qüvvələri istifadə edir.

“Report” TASS-a istinadən xəbər verir ki, bir gün əvvəl Bağdad hava limanının yaxınlığında yerləşən “Viktoria” hərbi düşərgəsi yaxınlığında analoji hücum cəhdinin qarşısı alınıb. Əvvəllər bu düşərgədə koalisiya hərbçiləri məskunlaşmışdı.