KİV: Aİ səfirləri noyabrın 27-də Rusiyaya qarşı 15-ci sanksiyalar paketini müzakirə edəcək

Avropa İttifaqı səfirləri noyabrın 27-də Rusiyaya qarşı 15-ci sanksiyalar paketinin müzakirəsinə başlayacaqlar.

"Report" xəbər verir ki, bu barədə "Reuters" mənbələrə istinadən məlumat yayıb.

Qeyd olunur ki, yeni sanksiyalar paketinə 29 şirkət, 54 fiziki şəxs, həmçinin Rusiya neftini daşıyan 48 tanker daxil olacaq.

Məlumata görə, məhdudiyyətlər, xüsusən də Rusiya və Çinin dron istehsalçılarına təsir edəcək. Bu paketin ilin sonuna kimi qəbul ediləcəyi gözlənilir.