KİV: İsrail yaxın saatlarda İrana zərbələr endirə bilər

İsrail yaxın saatlarda İrana cavab zərbələri endirə bilər.

“Report” xəbər verir ki, bu barədə “Kanal 14” ABŞ-dakı mənbələrə istinadən məlumat yayıb.

“Bir sıra qeyri-hökumət təşkilatları İsrailin yaxın saatlarda İrana hücum edə biləcəyi ilə bağlı xəbərdarlıq alıblar”, - deyə məlumatda bildirilib.

Mənbə iddia edir ki, bu halda İranın cavab tədbirləri həyata keçirməsi ehtimalı da var.

Qeyd edək ki, İran İslam İnqilabı Keşikçiləri Korpusu (SEPAH) İsrailə raket zərbəsi endirib. Belə ki, İrandan İsrailə 500-ə yaxın raket atılıb.