KXDR Pxenyanda hərbi parad keçirib

Pxenyanda KXDR-in qurulmasının növbəti ildönümünə həsr olunmuş hərbi parad keçirilib.

"Report" TASS-a istinadən xəbər verir ki, bu barədə Cənubi Koreyanın "Yonhap" agentliyi məlumat yayıb.

"Daily NK" informasiya portalı Pxenyanda döyüş təyyarələrinin havaya qalxdığı barədə məlumat yayıb. Portal, həmçinin Pxenyanın səmasında atəşfəşanlığın göründüyünü bildirib.

Xatırladaq ki, KXDR-in qurulmasının rəsmi tarixi 9 sentyabr 1948-ci ildir.