Marseldə atışmalar nəticəsində 3 nəfər ölüb

Fransanın Marsel şəhərində avqustun 21-dən 22-ə keçən gecə baş verən atışmalar nəticəsində 3 nəfər ölüb.

Bu barədə "Report" BFMTV-yə istinadən xəbər verir.

Məlumata görə, ilk atışma gecə Marselin 14-cü bölgəsində baş verib, nəticədə iki nəfər ölüb.

Digər atışma Marselin dördüncü bölgəsində olub, hadisə zamanı bir nəfər güllələnib. Daha sonra onun avtomobili yandırılıb.