Nigerdə ​​hərbi helikopter qəzaya uğrayıb, ölənlər var

Nigerin paytaxtı Niameydə Milli Hərbi Hava Qüvvələrinə məxsus helikopterin qəzaya uğraması nəticəsində azı 3 nəfər həlak olub.

"Report" xəbər verir ki, bu barədə "Reuters" Niger Müdafiə Nazirliyinə istinadən məlumat yayıb.

Qəza helikopter paytaxt hava limanına eniş edərkən baş verib.

Müdafiə Nazirliyi ölənlər arasında təlimatçının da olduğunu bildirib.