Pentaqon ABŞ-nin hərbi yardımının məhdud olduğunu etiraf edib

“ABŞ-nin digər ölkələrə hərbi yardımı məhduddur”.

“Report” xəbər verir ki, bu barədə ABŞ Müdafiə Nazirliyinin mətbuat katibinin müavini Sabrina Sinqh bildirib.

“Təchizatlarımız sonsuz deyil. Ukrayna və İsraili dəstəkləmək üçün əlavə yardım paketləri tələb etdiyimizi gördünüz” - deyə o vurğulayıb.

S. Sinqh həmçinin qeyd edib ki, Birləşmiş Ştatlar müdafiə sənayesi bazasının yenidən qurulmasında çətinliklərlə üzləşib.

O əlavə edib ki, çətinliklərə baxmayaraq ABŞ həm Ukraynaya, həm də İsrailə hərbi yardım göstərməyə davam edəcək.