Qananın hazırkı prezidenti seçkilərdə qalib gəlib

Qananın hazırkı prezidenti Nana Akufo-Addo 7 dekabrda keçirilən seçkilərdə qalib gələrək ikinci müddətə prezident seçilib.

Bu barədə “Report” “TASS”a istinadən xəbər verir.

Ölkənin seçki komitəsinin rəhbəri Cin Mensa bildirib ki, seçicilərin 51,59 faizi Nana Akufo-Addoya səs verib. Hazırki prezident daha dörd il iqtidarda qalacaq.

Seçki komissiyasının rəhbəri seçkilərin dinc və insidentsiz keçdiyini vurğulayıb. Ümumilikdə 13 434 574 seçici seçki məntəqələrində səs verib.