Qar Litva-Polşa sərhədində hərəkəti iflic edib

Kütləvi yol-hərəkət hadisələri və mürəkkəb hava şəraiti səbəbindən “Via Baltica” avtostradasının Mariampoldan Litva-Polşa sərhəddinədək uzanan 55 km-lik hissəsində hərəkət iflic olub.

“Report” xəbər verir ki, bu barədə yerli hökumət orqanları məlumat yayıb.

Bununla əlaqədar olaraq, səhər saatlardan etibarən nə Litva, nə də Polşa yük maşınlarını və digər ağır nəqliyyat vasitələrini öz ərazisinə buraxmır. Yol xidmətləri yollardakı qarı təmizləməkdə çətinlik çəkir.