Tramp: Senatda üstünlük qazandıq, Nümayəndələr Palatasında da uğuru saxlayacağıq - YENİLƏNİB

277 seçici səsi toplayan Respublikaçılar Partiyasından prezidentliyə namizəd Donald Tramp bildirib ki, Senatda çoxluğu təmin ediblər.

"Report" ABŞ KİV-inə istinadən xəbər verir ki, o, bunu Floridada tərəfdarları qarşısında çıxışı zamanı deyib.

"Bizə misli görünməmiş güclü mandat verildi. Senatda nəzarəti geri aldıq. Görünür ki, biz Nümayəndələr Palatasında da nəzarəti saxlayacağıq”, - o bildirib.

ABŞ-də prezident seçkiləri ilə eyni vaxtda Konqresə keçirilən seçkilərdə respublikaçılar irəlidədir. Onlar ilkin məlumatlara görə, Senatda 100 yerdən 51-ni qazanıblar.

"Report" xəbər verir ki, bu barədə "Fox News" telekanalı məlumat yayıb.

Bu seçkilərə qədər Senatda çoxluq demokratlara məxsus idi.

Telekanalın məlumatına görə, respublikaçılar Nümayəndələr Palatasına seçkilərdə də irəlidədirlər, onlar 218 yerdən 165-ni qazanıblar, demokratların isə 112 yeri var.