Roma Papasının şəxsi mühafizəsinə qadınlar cəlb ediləcək

Roma Papasının şəxsi mühafizəsinə qadınlar cəlb edilə bilər.

"Report" TASS-a istinadən xəbər verir ki, İsverçrə qvardiyasına daxil olan mühafizə heyətinə qadınların qəbulu nəzərdən keçirilir.

Qadınların işə götürülmə ehtimalı əvvəllər İsveçrə mediası tərəfindən bildirilmişdi, belə ki, onlar elit bölmənin işçiləri olmalıdır.

Seçim prosesində onlara kifayət qədər ciddi tələblər qoyulur: qadınlar yaxşı fiziki formada, xoş görünüşlü olmalı, həmçinin kəşfiyyat testindən keçməli, xarici dil biliklərini nümayiş etdirməli və katolik olmalıdırlar.

Müqavilə əsasında xidmət iki ildən 25 ilə qədər davam edə bilər.

Onların qazancı ayda təxminən 1,2 min avro olacaq.