Seneqal Prezidenti yeni Baş naziri təyin edib

Seneqal Prezidenti Maki Sal Amadu Banı baş nazir təyin edib.

“Report” TASS-a istinadən xəbər verir ki, bu barədə Seneqalın Mətbuat Agentliyi məlumat yayıb.

Ba hökumətdə müxtəlif vəzifələrdə böyük təcrübəyə malikdir. Belə ki, 2013-2019-cu illərdə Ba Seneqalın maliyyə və iqtisadiyyat naziri, 2019-cu ilin yazından 2021-ci ilin noyabrınadək isə xarici işlər naziri vəzifələrində çalışıb.

Parlamentin qərarı ilə Seneqalda Baş nazir postu 2019-cu ilin yazında ləğv edilib, lakin 2021-ci ilin dekabrında bərpa olunub.