Şərqi Qüdsdə İsrail təhlükəsizlik qüvvələri ilə ərəblər arasında toqquşma baş verib

Şərqi Qüdsün Cəbəl əl-Mukabir məhəlləsində fələstinlilərlə İsrail təhlükəsizlik qüvvələri arasında toqquşma baş verib.

“Report” xəbər verir ki, bu barədə Fələstinin “Al Rai” agentliyi məlumat yayıb.

Bildirilib ki, yerli əhali İsrail hakimiyyətinin siyasətinə etiraz olaraq ümumi tətilə başlayıb. Ərəblər buradakı bir sıra küçələri bağlayıblar.

Cəbəl əl-Mukabirdəki toqquşmalarla bağlı məlumatı “Əl-Cəzirə” telekanalı da təsdiqləyib. Amma ölən və yaralananlar barədə məlumat verilməyib.