Tramp qasırğaya görə Texasda fövqəladə vəziyyət elan etdi

ABŞ prezidenti Donald Tramp "Xanna" qasırğası ilə əlaqədar Texas ştatında fövqəladə vəziyyətin elan olunması haqqında fərman imzalayıb.

Bu barədə “Report” TASS-a istinadən xəbər verir.

Qeyd edilir ki, dövlət başçısı həmçinin yerli hakimiyyətə federal yardım göstərmək barədə göstəriş verib.

"Bu gün prezident Donald Tramp Texas ştatında "Xanna" qasırğasının səbəb olduğu fövqəladə şəraitə əks təsir üçün fövqəladə vəziyyətin tətbiqini elan etdi və yerli hakimiyyətin səylərinə əlavə olaraq federal yardımın ayrılmasına göstəriş verdi”, - Ağ Evin mətbuat xidməti tərəfindən yayılmış sənəddə deyilir.

ABŞ-ın Qasırğaların müşahidəsi üzrə Milli Mərkəzi cümə günü gecə "Xanna" tropik fırtınasının formalaşması haqqında bildirib. Şənbə günü o qasırğaya qədər güclənib. Atmosfer hadisəsi Texas sahilinə nail olub.