İbrahim Kalın: "Rusiya Finlandiya və İsveçin NATO-ya üzvlüyünü qəbul edib"

"Rusiyanın Finlandiyanın NATO-ya üzvlüyü ilə bağlı gərginlik yaradacağını gözləmirik".

"Report" xəbər verir ki, bunu Türkiyə Prezidentinin sözçüsü İbrahim Kalın "Anadolu"ya müsahibəsində deyib.

O bildirib ki, Rusiyanın əsas narahatlığı Ukraynanın Alyansa üzv ola biləcəyi ilə bağlıdır: "Gürcüstan müharibəsinin əsas səbəbi də məhz NATO-nun genişlənməsi idi. Rusiya Finlandiya və İsveçin NATO-ya üzvlüyünü qəbul edib. Ümid edirik ki, hansısa gərginlik olmaz".