Türkiyənin Əfqanıstandakı səfirliyi vətəndaşlara müraciət edib

Türkiyənin Əfqanıstandakı səfirliyi ölkə ərazisindəki vətəndaşlarına müraciət edib.

“Report” “Anadolu”ya istinadən xəbər verir ki, müraciətdə vətəndaşların təxliyə məsələlərinə toxunulub.

Bildirilib ki, evakuasiya üçün səfirliyə və Türkiyənin Əfqanıstandakı digər diplomatik missiyalarına müraciət edən vətəndaşların növbə ilə təxliyəsi həyata keçiriləcək.

“Şəxsi təhlükəsizliklərini nəzərə alaraq onlara xəbər verilənə qədər vətəndaşlarımızın yaşadıqları yerlərdə gözləmələri uyğun olacaq”, -məlumatda vurğulanıb.

Müraciətdə həmçinin səfirliyin "qaynar xətt"i və digər əlaqə vasitələri qeyd olunub.