Yaponiyada AES ərazisində yanğın baş verib

Yaponiyanın Saqa prefekturasında yerləşən “Qenkay” atom elektrik stansiyasının ərazisində yanğın olub.

“Report” xəbər verir ki, bu barədə “Kyodo” agentliyi məlumat yayıb.

Stansiya operatoru “Kyushu Electric Power” şirkətinin sözlərinə görə, yanğın təxminən bir saat ərzində söndürülüb.

Yanğın stansiyanın enerji bloklarının işinə təsir etməyib, hazırda hadisənin səbəbi araşdırılır.