Dövlət Komitəsinə yeni sədr müavini təyin olunub

Dini Qurumlarla İş üzrə Dövlət Komitəsinə yeni sədr müavini təyin olunub.

"Report"un əldə etdiyi məlumata görə, bununla bağlı müvafiq sənəd imzalanıb.

Sənədə əsasən, bu vəzifəyə Sahib Novruz oğlu Nağıyev təyinat alıb.

Bununla da Dövlət Komitəsi sədrinin müavinlərinin sayı 4-ə çatıb.

Qeyd edək ki, S.Nağıyev 1966-cı ildə Gəncə şəhərində anadan olub. O, Yaxın Şərq ölkələri üzrə mütəxəssisdir.

Sahib Nağıyev