Naxçıvanda dini-mədəni inancların qorunub saxlanıldığı, möcüzəvi xüsusiyyətləri, sirli-sehrli görünüşü ilə diqqəti cəlb edən məkanlardan biri “Əshabi-Kəhf Ziyarətgahı” Dini-Mədəni Abidə Kompleksidir.
“Report” xəbər verir ki, müqəddəs Qurban bayramında insanların ən çox ziyarət etdikləri ziyarətgah Naxçıvan şəhərindən, təqribən 12 km aralıda – Culfa rayonunda, Haçadağ və Nəhəcir dağları arasındakı ərazidə yerləşir.
Dəniz səviyyəsindən 1 665 metr yüksəklikdəki mağara ən qədim zamanlardan tanrıya pənah gətirənlərin, müqəddəsliyə, ilahi gücə inananların səcdəgahı olub. Tədqiqatlar sübut edir ki, Qurani-Kərimdə adı çəkilən “Əshabi-Kəhf” məhz Naxçıvandadır.
Ümummilli Lider Heydər Əliyevin tapşırığı və himayəsi ilə 1998-ci ildə burada abadlıq-bərpa işləri aparılıb. Ziyarətgahın girişində bu haqda məlumat verən kitabə qoyulub.
“Əshabi-Kəhf” ziyarətgahının adı ərəb dilindən götürülüb. "Əshab” yeniyetmə cavan oğlanlar, "kəhf” isə mağara, sığınacaq yeri deməkdir.
"Əshabi-Kəhf” təkcə ziyarətgah deyil, həm də Azərbaycanın ən qədim tarixi abidələrindən biridir.
Hər il buranı Azərbaycanın digər bölgələrindən və xarici ölkələrdən gələn minlərlə zəvvar, turist və qonaq ziyarət edir.
"Əshabi-Kəhf” ziyarətgahında "Yeddi kimsənə”, "Cənnət bağı", ziyarətgahda yerləşən məscid, "Qara daş”, "Damcıxana” insanların daha çox dualar edib ziyarət etdiyi məkanlardandır.
![](https://static.report.az/photo/755a8761-a715-3abe-88d0-bd070a39ea5f_300.jpg)
![](https://static.report.az/photo/fd6ce61b-5cb1-31c8-b346-b196ac334285_300.jpg)
![](https://static.report.az/photo/c5c23629-5578-336c-9f22-2aa43f35f6c5_300.jpg)
![](https://static.report.az/photo/0708e393-b9a2-3010-bf83-86e021f91a5c_300.jpg)
![](https://static.report.az/photo/e75f820f-cdb4-30c3-a097-5d6da93dccba_300.jpg)
![](https://static.report.az/photo/b9de88b8-de70-338d-b7b1-79e7df552f54_300.jpg)
![](https://static.report.az/photo/a8688f29-113a-314d-a90f-d60d6875f65b_300.jpg)
![](https://static.report.az/photo/26888be4-77db-3201-94d1-6cc6cab468a3_300.jpg)
![](https://static.report.az/photo/5e1afffc-7392-3a78-8fce-6f702ee4c86c_300.jpg)
![](https://static.report.az/photo/b10c6f85-261d-3280-a3a1-9c210f45fdcb_300.jpg)
![](https://static.report.az/photo/ca07a8fe-02b3-3347-95c1-4c92d6f092b2_300.jpg)
![](https://static.report.az/photo/5d82228d-727e-3f80-9f59-76b32bc1e3e6_300.jpg)
![](https://static.report.az/photo/d75a6809-125e-3e17-9a5e-ec4c16b592db_300.jpg)
![](https://static.report.az/photo/7e6222a9-8b08-34c2-8383-5b9a5f2e66aa_300.jpg)